Eastern Promises

موضوع: Eastern Promises 2/1/2008, 7:44 pm

Viggo Mortensen

Naomi Watts

Vincent Cassel

اخراج

David Cronenberg

Every sin leaves a mark

مافيا روسيه ..

تاتوز بتوصف حياة كل فرد مهنم ورتبنه ...

فودكا ...

عاهرات مستورده من بلاد فقيره ...

تصفية حسابات .....

سلاح ابيض ...

دي باختصار الخطوط الرئيسيه للفيلم بس بشكل مختلف عن الشكل التقليدي للنوعيه دي من الافلام ...

يمكن الفيلم يرجع فينا لورا ويفكرنا بفيلم " العراب " بسبب وجود الاب زعيم المافيا والابن المتهور اللي بيصفي واحد من زعماء المافيا وصاحبه ...

لسبب تافه ...

وبيساعده بالتخلص من اي مشكله السائق اللي بيقوم بدوره Viggo Mortensen

لكن المافيا هنا مختلفه حنلاقي الاب متورط زي ابنه بس في اغتصاب بنت قاصر ...

بتكتشها الممرضه اللي بتقوم بدورها Naomi Watts ...

لكن الجو هنا مختلف عن جو المافيا الامريكي ..

جو اوروربي كلاسيكي العنف فيه مكبوت مش صارخ زي الامريكي ...

ودي احلى حاجه في الفيلم اجوائه الهاديه ...

حتى في مشاهد الذيح اللي معموله بشكل رهيب قريب جدا للواقع ...

خصوصا ان المافيا الروسيه ما بتستعملش من الاسلحه غير السكاكين ...

علشان كده حنشوف قطع رقاب وتقطيع للجثث متنفذ بشكل تحس انه طبيعي من شدة اتقانه ...

ومافيش وجود للمسدسات ...

الممثلين كلهم خصوصا Viggo Mortensen اللي عامل الدور بشكل رائع متقنين اللكنه اللي بيتكلو فيها الروس للغه الانجليزيه ...

Viggo مع انه من اصل دينماركي لكن ملامحه ولهجنه كانت قريبه جدا من الروس ودور مناسب جدا له ...

Vincent Cassel الممثل ده هايل ومرعب وصعب انك تفرق جده من مزحه شفتله قبل كده فيلم Derailed مع Clive Owen و Jennifer Aniston ...

والدور ده بنفس المستوى ويمكن احسن كمان ...!

الموسيقى جنائزيه شويه لكنها راكبه صح ....